Елементи на Договорот меѓу акционерите за уредување на меѓусебните односи за обезбедување на мнозински управувачки пакет акции во друштвото и за заштита на управувачката структура на друштвото, склучен помеѓу акционери во Макпетрол АД Скопје 1. Договорот е склучен помеѓу 1060 акционери на Макпетрол АД Скопје, за период од 5 години. 2. Со Договорот се предвидуваат заемни ограничувања на правото на пренесување, односно располагање со акциите и стекнување на одредени привилегии за потписниците на Договорот. 3. Со договорот се ограничува трансферибилноста на 64,1% од управувачките акции на друштвото или 68.328 обични акции. 4. Надвор од овој договор остануваат уште 801 акционер на друштвото. 5. Одредбите од Договорот кои се однесуваат на ограничувањето на правата од акциите (рестрикции) кои ги поседуваат акционерите, сегашни и идни, се утврдени во точка 2.1, 2.3 и 3.4 од Договорот. Со нив акционерите се согласни и се обврзуваат дека нема да продадат,отуѓат или на друг начин пренесат свои акции, спротивно на овој Договор. Ако во траење на договорот се купат или стекнат акции и тие акции подлежат на истите ограничувања. Освен ова ограничување, другите права од акциите (право на глас и право на дивиденда) остануваат неограничени. 6. Акционерите се согласни овие ограничувања да се впишат на нивните сметки во ЦДХВ. 7. Заради следење на спроведување на овој Договор се формира Комисија за следење, посредување и спроведување на овој договор, составена од 6 члена акционери (од кои 2 се членови на Управниот одбор на друштвото). 8. Оваа Комисија е задолжена да се грижи да не се намали процентот на слободни акции за тргување , согласно Правилникот за котација на берзата (најмалку 30%). 9. Акционерите доброволно се обврзуваат дека своите акции приоритетно ќе им ги понудат на другите акционери потписници на овој договор, во случај на продажба или друг вид на пренос на сопственоста и тоа по пазарна вредност на акциите (просечната цена на акциите на друштвото на последниот ден на тргување на берзата). 10. Комисијата е должна да посредува во изнаоѓање лице на кое на соодветен начин и со соодветен надомест ќе му се изврши преносот на сопственоста на акциите. 11. Доколку Комисијата тоа не го направи во рок од 30 дена, акционерот е ослободен од ограничувањата од овој Договор и може слободно да располага со своите акции. 12. Во договорот посебно се разработени условите под кои потписниците на договорот би го продале мнозинскиот пакет на акции и тоа: по цена не помала од 1500 евра; купувачот да обезбеди нови инвестиции од сопствени средства; да го задржи постојнот број вработени; да забрани прогласување економски,структурен и технолошки вишок; да ја задржи постојната организациона поставеност на друштвото; да овозможи приоритетно вработување на деца или член на потесно семејство на акционери и вработените во друштвото; да гарнатира право на надоместоци на плати согласно колективен договор; да гарантира социјален план, за договорен надомест во износ од 12 плати. 13. Акционерите се согласни Комисијата да преговара во нивно име со потенцијалниот купувач. 14. Во времетраењето на овој Договор (за потписниците и ново пристапените) се формира Фонд за кредитирање на акционерите во износ од 1 милион евра. Средствата од овој фонд ќе се користат за кредитирање на сопствените потреби на акционерите потписници на договорот за лекување, решавање станбено прашање,санирање штети од поплави, пожари и сл. непогоди. 15. За почитување на Договорот и на воспоставените рестрикции во преносот на акциите, потписниците преку органите на управување на друштвото ќе делуваат за обезбедување организациона структура на друштвото согласно потребите на работа, да се избегнува постапка на престанок на работа (освен во случај на тешка повреда на работните задачи), согласно потребите да се обезбеди приоритетно вработување на деца или член на потесно семејство на акционери/вработени во друштвото. 16. Кон овој договор може да пристапат и други акционери, но само до процент од главнината на друштвото со кој не се нарушува условот за котација на берзата, во однос на распространетоста на акциите во јавноста. 17. Во договорот се обработени посебно начинот на обештетување за повреда на договорот. 18. Договорот може да се раскине само со заедничка согласност на сите потписници. 19. Истапување на акционер од договорот е можен доколку се добие согласност од 51% од вкупниот број акции со право на глас, со тоа што нема да се загрози мнозинскиот управувачки пакет на акции утврден со овој договор. 20. Само оние делови од договорот кои не се во согласност со закон се невалидни, додека останатите делови имаат и натаму валидност.