Одборот на директори на Македонската берза АД Скопје на својата седница одржана на 11.06.2003 година донесе Процедури за Јавна берзанска аукција на побарувања, согласно член 1 од Законот за дополнување на Законот за санација на дел од банките во Р.Македонија(Сл.Вессник на Р.Македонија 31/03) и Законот за управување со средства (Сл.Вессник на Р.Македонија 70/01. Предмет на аукцијата можат да бидат побарувања пренесени на Агенцијата на Р.Македонија за управување со средства, врз основа на Законот за санација на дел од банките во Р.Македонија и Законот за управување со средства. Аукцијата ќе се одржува секој работен Петок од 09:30 до 13:30 часот, почнувајќи од 20.06.2003 година. Постапката на продажба на побарувања е иста како и за продажба на акции и удели. Со тоа ќе се обезбеди можност во друштвата, инвеститорите истовремено да стекнат сопственост врз акции/удели и побарувања.