Топлификација АД Скопје до Македонската Берза достави Образложение за спроведување на Одлука на собрание на акционери за распоредување на добивка по годишна сметка за 2002 и 2003 година во кое, меѓу другото, е наведено следното: “Собранието на акционери веќе втора година по ред носи одлуки да дивидендата од остварената нето добивка за односната година се исплаќа 50% во готово, а 50% се исплаќа на тој начин што исплатените пари на акционерите се употребуваат за купување на акции во име и за сметка на акционерите. Акционерите кои стекнале право на дивиденда за односната година потпишуваат дека им е извршена исплата на 50% наменети за купување акции. Во исто време потпишуваат полномошно со кое ополномоштуваат лице кое во нивно име и нивна сметка за износот на 50% наменети за купување акции, им купува акции издадени од Топлификација АД, а кои се расположиви на официјалниот пазар на Македонската Берза по пазарна цена. Ополномоштеното лице има обврска во блок трансакција да изврши купопродажба на акциите и ги регистрира купените акции на сметката на соодветниот акционер во ЦДХВ, што за 2002 е завршена работа, а исто ќе биде и за 2003 година и сето тоа во законскиот рок, односно до 30.09.2004 година.“