Макпетрол АД Скопје достави известување до Македонската Берза во кое е наведено дека врз база на согледувањата на стручните служби Макпетрол АД Скопје очекува за деловната 2003 година да оствари добивка во висина поголема од 400 милиони денари, односно над 6,5 милиони евра. Соодветно на тоа Органите на управување ќе дадат предлог на Собранието на друштвото да изгласа исплата на дивиденда, која не би била пониска од 2%.