Инвестбанка АД Скопје до Македонската Берза ја достави Одлуката за купување на сопствени акции донесена на 31.03.2004 година од страна на Собранието на акционери на Банката. Со Одлуката се одобрува откуп на 1.872 акции во вкупна номинална вредност од 5.000.000 денари. Најниската цена по која можат да се откупат акциите изнесува 1.000 денари, додека највисоката цена изнесува 2.670 денари по акција. Сосптвените акции Инвестбанка АД Скопје ќе ги откупува на начин и постапка предвидени со Законот за хартии од вредност, на товар на средствата од добивката или од посебните резерви утврдени со последната годишна сметка.