Тетовска банка АД Тетово достави известување до Македонската берза дека поради процесот на спојување на Тетовска банка АД Тетово со Тетекс-Кредитна банка АД Скопје во нова банка, Собранието на акционери на Тетовска банка АД Тетово на својата седница одржана на 26.12.2005 година донесе Одлука со потребното мнозинство на сопствениците и на обични и на приоритетни акции да се изврши претворање на сите приоритетни акции (и кумулативни и партиципативни) во обични акции. Со цел создавање на услови за спроведувањето на Одлуката, Тетовска банка АД Тетово бара од Македонската берза на 23 и 24.02.2006 година (четврток и петок) да се изврши запирање на тргувањето со сите видови акции издадени од Тетовска банка АД Тетово (обични, приоритетни кумулативни и приоритетни партиципативни). Имајќи го предвид наведеното барање од Тетовска банка АД Тетово, Македонската берза известува дека на 23 и 24.02.2006 година (четврток и петок) привремено ќе биде запрено тргувањето со акциите издадени од Тетовска банка АД Тетово, со следните шифри на тргување: ТЕБ, ТЕБП и ТЕБПП. Тргувањето со обичните акции издадени од Тетовска банка АД Тетово ќе продолжи на 27.02.2006 година (понеделник).