Во врска со дописот доставен од фармацевтската групација Актавис од Рејкјавик, Исланд, со кој ја информираат Берзата дека не се водени, ниту пак се најавени формални преговори помеѓу оваа Групација и Алкалоид АД Скопје, Алкалоид достави известување до Берзата со кое ги демантира овие информации. Во известувањето е наведено дека во изминатиот период постоела комуникација и размена на документација со Актавис Групацијата околу евентуалното преземање на фармацевтскиот бизнис на Алкалоид од страна на Актавис.