На седницата одржана на 19.06.2018 година Одборот на директори на Македонската Берза донесе одлука за котација на Седумнаесеттата емисија на обврзници за денационализација.

Седумнаесеттата емисија на обврзници за денационализација е со следните карактеристики:
     - Вид на хартијата од вредност: Седумнаесеттата емисија на обврзници за денационализација, издадена во дематеријализирана форма, гласи на име и е неограничено пренослива;
     - Издавач: Република Македонија;
     - Вкупен износ на емисијата: 5.000.000 евра;
     - Номинална вредност на една обврзница: 1,00 евро;
     - Број на издадени обврзници во емисијата: 5.000.000;
     - Датум на издавање: 13.06.2018 година;
     - Каматна стапка: 2% годишно, на остатокот на расположивата главнина за отплата. Каматата се пресметува од 13.06.2018 година;
     - Рок на достасување на обврзниците: 01.06.2028 година;
     - Начин на отплата: Каматата и главнината се исплатува еднаш годишно, на 01.06., во период од 10 години, започнувајќи од 01.06.2019 година;
     - Почеток на тргување со обврзниците: 21.06.2018 година, на Официјалниот пазар на Македонската берза; 
     - ИСИН: MKMINF200DH3;
    - Шифра за тргување на Берзата: RMDEN17;
    - Распоред на тргување: Континуирано тргување.