По извршените анализи на примената на Одлуката за утврдување на ценовни ограничувања при тргувањето со хартии од вредност на Македонската берза АД Скопје и согледувањето на нејзиното влијание врз тргувањето со одредени хартии од вредност, направени се измени во начинот на пресметувањето на минималната потребна количина на истргувани хартии од вредност. Овие измени се однесуваат на издавачите кои имаат издадено над 10.000.000 хартии од вредност од одреден род и се направени со цел да се намали влијанието на вкупниот број издадени хартии од вредност врз висината на МПК. Овие измени ќе започнат да се применуваат од 17.09.2007 година (Понеделник).