На седницата одржана на 14.03.2006 година Одборот на директори на Македонската Берза донесе одлуки за котација на Петтата емисија на обврзници за денационализација и на Државните обврзници за покривање на загубата на Народна банка на Република Македонија, издадени од Република Македонија. Петтата емисија на обврзници за денационализација е со следните карактеристики: -Вид на хартијата од вредност: Петта емисија на обврзници за денационализација, издадени во дематеријализирана форма, кои гласат на име, во евро валута и се неограничено преносливи; -Издавач: Република Македонија; -Вкупен износ на емисијата: 34.000.000 евра; -Номинална вредност на една обврзница: 1 евро; -Број на издадени обврзници во емисијата: 34.000.000; -Датум на издавање: 13.03.2006 година; -Каматна стапка: 2% годишно. Каматата се пресметува од 13.03.2006 година; -Рок на достасување на обврзниците: 01.06.2016 година; -Начин на отплата: Главнината и каматата се отплатуваат во 10 годишни рати на 1 јуни, започнувајќи од 01.06.2007 година; -Почеток на тргување со обврзниците: 16.03.2006 година, на Официјалниот пазар на Македонската Берза; -ИСИН: MKMINF200D50; -Шифра за тргување на Берзата: РМДЕН05. Државните обврзници за покривање на загубата на Народна банка на Република Македонија се со следните карактеристики: -Вид на хартијата од вредност: Државните обврзници за покривање на загубата на Народна банка на Република Македонија, издадени во дематеријализирана форма, кои гласат на име, во денари и се неограничено преносливи; -Издавач: Република Македонија; -Вкупен износ на емисијата: 716.000.000 денари; -Номинална вредност на една обврзница: 10.000 денари; -Број на издадени обврзници во емисијата: 71.600; -Датум на издавање: 30.12.2005 година; -Каматна стапка: 7,45% годишно. Каматата се пресметува од 30.12.2005 година; -Рок на достасување на обврзниците: 30.12.2010 година; -Начин на отплата: Каматата се отплатува во 5 годишни рати на 30 декември, започнувајќи од 30.12.2006 година. Номиналната вредност на обврзницата пристигнува за исплата на 30.12.2010 година; -Почеток на тргување со обврзниците: 16.03.2006 година, на Официјалниот пазар на Македонската Берза; -ИСИН: MKMINF20N016; -Шифра за тргување на Берзата: РМНБМ01.