Согласно Методологијата за пресметување на Индексот на обврзници на Македонската Берза ОМБ, Комисијата за берзански индекс на 10.05.2010 година изврши вонредна ревизија на ОМБ, со која, Обврзниците за денационализација-Деветта емисија (РМДЕН09) беа вградени како елемент на индексот, имајќи ја предвид нивната голема ликвидност од денот на котацијата, а со цел ОМБ соодветно да го прикажува движењето на цените на обврзниците котирани на Официјалниот пазар на Македонска берза.
Согласно наведеното, Комисијата определи дека следните обврзници ќе бидат елементи на ОМБ: Обврзниците за намирување на побарувањата на граѓаните по основ на депонираните девизни влогови (РМ01), Обврзниците за денационализација-Прва емисија (РМДЕН01), Обврзниците за денационализација-Втора емисија (РМДЕН02), Обврзниците за денационализација-Трета емисија (РМДЕН03), Обврзниците за денационализација-Четврта емисија (РМДЕН04), Обврзниците за денационализација-Петта емисија (РМДЕН05), Обврзниците за денационализација-Шеста емисија (РМДЕН06), Обврзниците за денационализација-Седма емисија (РМДЕН07), Обврзниците за денационализација-Осма емисија (РМДЕН08) и Обврзниците за денационализација-Деветта емисија (РМДЕН09).
Согласно Методологијата, според учеството на секоја обврзница-елемент на индексот во вкупното тргување со обврзници во периодот 10.02.2010-10.05.2010, Комисијата го утврди влијанието на секој елемент на ОМБ врз движењето на индексот, при што влијанието на ниту еден елемент не смее да надминува 30%.