Димко Митрев АД Велес известува за планираните активности во 2005 година: Димко Митрев АД Велес планира во текот на 2005 год. да го продолжи своето нормално работење. Целите што се очекуваат да се постигнат се следните : - Да се обезбеди доволен вкупен приход за потполно покривање на сите трошоци од работењето. - Да се обезбеди работа за сите вработени. - Да се обезбеди редовна исплата на затекнатите плати. - Да се намали вкупната задолженост за 5 %. - Да се реализира понатамошен развој во сите сфери од работењето. Ова треба да се обезбеди во услови на понатамошно продолжување на тешките услови на стопанисување. Цената на кожата, која е берзанска категорија и во моментов достигна високо ниво, многу ќе допринесе за реализирање или не реализирање на планираното. Исто така производството ќе биде обременето со ангажираните кредити и камати кои произлегуваат од нив. За подобрување на успешното работење: - ориентацијата на максимално производство за извоз за познаат купец ќе продолжи. - треба да се стават под максимална контрола индиректните и материјалните трошоци, како би дошло до нивно намалување . Потребата од инвестирање ќе биде ограничена во неопходни интервенции за одржување на потребната кондиција на производство . Мора да се потенцира на се поизразената опасност во конкуренцијата која светскиот пазар ја прават одредени азиски земји , особено Кина , а на која секоја фирма извозник мора да планира.