На 01.11.2001 година, Македонска Берза АД Скопје за прв пат започна да објавува берзанскиот индекс.Кратенката на берзанскиот индекс е МБИ (Македонски Берзански Индекс). Берзанскиот индекс е ценовен, непондериран индекс. Индексот ги содржи петте најликвидни акции, кои го исполнуваат критериумот за ликвидност т.е. да е тргувано 30% од вкупниот број на денови на тргување во последните 12 месеци. Во МБИ се вклучени акциите на најликвидното акционерско друштво од Првиот Официјален Пазар, Топлификација АД Скопје и акциите на четири акционерски друштва од Третиот Неофицијален Пазар, Макпетрол АД Скопје, Алкалоид АД Скопје, Комерцијална банка АД Скопје, Европа АД Скопје. Иницијалната вредност на МБИ е 1000.